Kenterberili Avqustin

Kenterberili Avqustin
Doğum tarixi	13 noyabr 534 və ya VI əsr
Doğum yeri	Roma[3][1]
Vəfat tarixi	ən tezi 26 may 604 və ən geci 26 may 605[1][2]
Vəfat yeri	Kenterberi[4][3][…]
Xatirə günü	26 may, 27 may[5], 28 may
Vikianbarda əlaqəli mediafayllar

Kenterberili Avqustin (lat. Augustinus Cantuariensis, ing. Augustine of Canterbury; 13 noyabr 534 və ya VI əsr, Roma^[3][1] – ən tezi 26 may 604 və ən geci 26 may 605^[1][2], Kenterberi^[4][3][…]) — benedikt rahibi, Kenterberinin ilk arxiyepiskopu. O, tarixə "ingilislərin həvarisi" və anqlikan kilsəsinin banisi kimi düşmüşdür.^[6]

Avqustin Romada Müqəddəs Andrey monastırının rəhbəri idi, 595-ci ildə papa I Qriqori onu paqan kral Etelberti xristianlaşdırması məqsədilə Britaniyaya göndərmişdir. Kenterberidə məskunlaşmaq üçün icazə aldıqdan sonra Avqustin kralı və onun minlərlə təbəəsini vəftiz etməyi bacarmışdır. Avqustin şəhər divarları xaricində bir monastır qurmuş, 601-ci ildə arxiyepiskop təyin edilmişdir. 604-cü ildə digər xristian yepiskopları London və Roçesterdə məskunlaşmış, anqlosaks kahinləri və missionerləri yetişdirmək üçün məktəb yaradılmışdır.

Ömrünün sonunda İngiltərədə Roma iyerarxiyasının möhkəmləndirilməsi ilə məşğul olmuş, lakin papanın daimi dəstəyinə baxmayaraq, Kelt yepiskoplarını öz hakimiyyətinə tabe olmağa inandıra bilməmişdir. 604-cü ildə ölümündən qısa müddət sonra kanonlaşdırılmışdır. Avqustinin davamçıları heç bir yazılı dəlil qoymadıqları üçün onun həyatı yeganə mənbələr papa Qriqorinin məktublarıdır. Ölümündən 100 il sonra, benediktli rahib Möhtərəm Beda Avqustin haqqında qalan məlumatları toplamış, onları "Anql xalqının kilsə tarixi"nə daxil etmişdir.^[7]

1. ↑ ^{1 2 3 4} Saint Augustine of Canterbury // Encyclopædia Britannica (ing.).
2. ↑ ^{1 2} АВГУСТИН КЕНТЕРБЕРИЙСКИЙ // Большая российская энциклопедия (rus.). Москва: Большая российская энциклопедия, 2004.
3. ↑ ^{1 2 3 4} Encyclopædia Universalis (fr.). Encyclopædia Britannica, 1968.
4. ↑ ^{1 2} Istituto dell'Enciclopedia Italiana Agostino di Canterbury, santo // Enciclopedia on line (it.).
5. ↑ Calendarium Romanum (lat.): Ex decreto Sacrosancti Œcumenici Concilii Vaticani II instauratum auctoritate Pauli PP. VI promulgatum. Editio typica. Civitas Vaticana: Typis Polyglottis Vaticanis, 1969. S. 26.
6. ↑ Delaney Dictionary of Saints P. 67–68
7. ↑ Stenton Anglo-Saxon England P. 104